هو أنا حزين؟!!!!!!!

بقالي كتيرمشفتش فراشات,
بقالي كتير مخدتش بالي من القمر,
لاوردة حلوة ,
ولا بسرح مع عصافير,
حتي الأغاني بتتسمع عادي,
والأفلام مفيهاش تغيير,
بقالي كتير.

يمكن كبرت
عجزت
ولا أنا...أنا...
حزين؟!!!

missing

be yourself no matter what they say.

how can a simple song changes a mood. thank you (Enjoy It).

فاكرين الأغنية دي. ياه. دي ولا ماشية وساعتي مش مظبوطة بتاعة سيمون. ولا البرنامج الرخم اللي إسمه أماني و أغاني. للأسف كنت بروح كل يوم لشيخ الجامع بعد صلاة الظهر و مكنتش بعرف أشوفة و معرفتش أكره أماني و أغاني إلا لما بطلت أروح للشيخ. إيييييه دنيا. إحنا عجزنا باين ولا ايه

مبصدقش الأرصاد الجوية

النشرة قالت يوم عاصف
مخفناش
متهزيناش
حضنا بعض لاجل الدفا
متدفيناش
ومنزلش علينا المطر
رغم الغيوم
بحبك
ولسة مستنيها تمطر.
عشان يجي الدفا.

صباحك زيادة

صباحك زيادة
وقلبك منور
وجودك معانا
دايما شايفنا
حارسنا
حافظنا
صباحك زيادة (مر)
وقلبك منور (بلمبة جاز)
وجودك معانا (يضر)
دايما شايفنا (من ورا الإزاز)
حارسنا (لنشوف شياطينك)
حافظنا (وحافظينك)